Ral An Zamnak Ah Hlei Nih A Cahpi Hna I Minung 6 An Nunnak Liam. Kalay pengkulh, Donwe khua lei ah SAC ralkap nih thazang tampi in rallam an sial caah tualchung mi hna cu Myitthar tiva ral ah an zam i Myitthar tiva hlei nih a chimhpi hna caah minung 6 an nunnak liam.
Nihin, April 27 zing slm 8:00 hrawng ah Donwe khua ah SAC ralkap thazang 80 hrawng cu rallam sial in an rak phanh caah tualchung mi hna cu tiva ral ah ral an zaam i mimung 10 hrawng nih hlei an zawh lio ah hlei nih a cahpi hna hi asi.Ti chung ah hlei nih a cimhpi hna cu tualchung hriamtlai ralkap le mipi nih an kawl cuahmah lio hna asi minung 6 ruak an hmuh cang. Credit: The Chin Post.
Rechap.Kahdohnak ah ralhrang kawlralkap minung 40 an thi. Nizan April ni 26 mipi ralkap le ralhrang kawlralkap i kahdohnak ah ralhrang kawlralkap lei in minung 40 an thi. Athimi hi nikhat chung rampi huap in i kahdohnak a thimi vialte an si. Culawng siloin April 26 thiamthiam ah ralhrang kawlralkap chungin minung pali CDM an tuah rih.
Cun ralhrang kawlralkap a nung in an tlaih mi hna hi minung paruk an si tiah an langhter. Kahdohnak ah ralhrang a thimi an tamnak hmun cu Thawai ah asi i, minung 12 an si. Cun Karen ah pali an si i, Magway ah 7, cun Sagaing ah pathum le Sagaing Swebu ah pariat. Sagaing, Myang ah 6 an thi. Mipi ralkap lei in minung pahnih an nunnak a liam ve tiah an thanh.
Relchap. Ralhrang kawlralkap le mipi ralkap an i kap. Ralhrang kawlralkap minung 21 an thih pin ah minung tamtuk hliam an tuar. Minkin peng, Zinkalay khua pawngah ralhrang thaazaang minung 150 hna cu Nizan April ni 26 ah mipi ralkap phuruk fonh nih bomb an puah hnawh hna pin ah an kah rih hna.
Hi i kahdohnak ah ralhrang kawlralkap lei in minung 21 an thi i, minung tamtuk hliam an tuar tiah mipi ralkap lei in DRPA nih thanhnak an tuah. Cun ralhrang kawlralkap hna nih khua an khangh tiah an thanh chih. Hi i tukdohnak ah mipi ralkap lei in aa hliammi le a nunnak a liammi an um lo.Asinain cycle pahnih a rawk tiah an chim.
Leave a Reply