Matupi Ah Ngakchia Pakhat Ihnak Cung Ah A Ruak In An Hmuh!Chin ramkulh Matupi, Sanbawng sang ah ummi kum 12 tluk ngakchia, tang 6 cawnglio mi pakhat cu June 5 zarhpi ni ah a nulepa nih pumhnak in an kir lei inn an phak ah, a ihnak cung ah puan i khuh buin a nunnak a rak liam cang cu an hmuh.
Sanbawng sang ummi pakhat nih cun, Ngakchiapa cu zinglei ah Sunday School zong a kai ko. Chun ah a nulepa Biakinn an kal kar ah amah lawng inn a hngak i, a nulepa an ṭin tik ah cun puan chung ah dat-si dur i put buin a nunnak a rak liam cang kha hmuh a si, tiah a chim. Nunnak a liammi ngakchia cu a hlan tein dat-si rim a duh ngaimi a si tiah an chim.
Hi thihlohnak kong zong ah dat-si din ruangah a cangmi a si tiah fiang tein chim khawh a si lo nain, puan chung ah dat-si dur hmuh a si tikah, a rak din zong a si kho, tiah ruah a si. Cun, mino tete lakah dat-si rim hnimh a tam caah atu bantuk in nunnak liam tiang a cang kho tiin an chim fawn. Nunnak a liammi ngakchia pa cu June 6 ah ruak vuinak an tuah, tiah theih a si. Credit: The Chin Post.
Cabia dang. Kan thilri ngeih mi hi tling deuh sehlaw Thantlang misual ralkap hi a rauh hlan ah kan tei hna ahau cang. Chin ralkap uknak tangah kan chiah khawh colh lo cun tulio dohthlennak caah donkhantu thil pakhat ah aa cang kho ngai ding mi thil biapi taktak asi. Aherh nak paoh in tan kan lak thiam cio ahau cang. Thil pa hnih in hmu khawh asi.
Pakhatnak. Athat nak lei in hmu khawh mi.Than Tlang ah misual ralkap kan thawl kho hna ah cun Chin Miphun kan thazaang hi nak in athawn chin lai. Than Tlang khua nu khua pa le Chin Miphun kan mitthli vial te a kan hnawh piak kho lai i, kan mipi an kir kho dih fawn lai. Chin ralkap le NUG pawl an hmunpi ah an hman lai.
Pahnihnak. Achiat nak lei in hmu kho mi cu misual ralkap Than Tlang in kan thawl kho hna lo ah cun Chin ralkap kan thazaang zei asi lo ti kha misual pawl nih cansau ah cun an theih chin lai an kan nek deuh lai inn an khangh dih lai. Helicopter in misual ralkap duhsa in a vun chiah thluahmah hna lai hriamnam tha he a ralkap tam a vun chiah dih hnu ah Victoria camp pi an kan fuh te ding khi asi.
Atu lio Mino an lung athawn lio le minung an tam lio ah kan thawl kho hna lo ah cun sung zatlak nak nih a kan phan kho mi asi. Chin Miphun vulei khua zakip ah um mi kan lungrual nak le kan thazaang thawn nak, kan ralthat nak hi MAH le a ralkap hna nih hi nak a let in an i fiang an kan theih ahau cang ko.
Bawipa nih kan dirh pi zungzal ko seh ThanTlang ni khat khat ah hi nak that deuh in Chin Miphun nih kan nin sersiam than lai. CNA,CDF le Chin ralkap nan ralthat nak le kan Miphun nan dawtnak hi upat nak kan pek hna. Bawipa nih nan raldo nak ah in hupphen in teinak in peh zungzal ko hna seh. Credit: Tialkung Tlumang.
Leave a Reply