Tedim peng, Laitwe khuami 2 bom lam sual ruangah pakhat nunnak a liam. Chin ramkulh, Tedim peng, Laitwe khua, Linton tlang pawng, May 2 ah khuami 2 bom an i lam sual caah pakhat a nunnak a liam i pakhat aa hliam tiah khuami hna nih an chim. U Thang Lian le U Sum Lian cu an sia a tlau i an kawlnak ah a tu bantuk in bom an i lam sual hi a si i U Thang Lian cu a hmunhma ah a nunnak a liam colh,
U Sum Lian cu a hma ruangah Mizoram ah aa thlopbul lio a si tiah khuami pakhat nih RFA ah a chim. Laitwe khua pawng i Linton tlang pawngkam ah SAC ralkap gate a rak um i CNF he kahdohnak a fah tawnnak hmunhma a si caah bom hna an phum tawn tiah khuami hna nih an chim.May 1 zongah Falam khua pawng, Rih lam pawngah khuami pakhat bom lamh sual ruangah hliamhma a rak tuar,
April thla chung zongah Linton tlang pawngkam ah caw pakhat bom lam sual ruangah a rak thi ve.SAC nih hramhram in uknak lak hnu, Chin ramkulh chungah bom lam sual ruangah mipi 9 an thi i 19 nih hliamhma an tuar tiah Chin Affairs Federation khomhsuatmi cazin in theih khawh a si. Credit: The Chinland Post.
Good News. Ralhrang kawlralkap minung 30 an kahthah hna. Sagaing ramkulh, Shwebu peng Yiphyokung le Seihkhun khua karlak ah ralhrang kawlralkap le mipi ralkap cu May nihnih le May nithum ah pehzulh in an i kap. Hi i kahnak ah ralhrang kawlralkap lei Buci pakhat hliam a tuar pin ah ralhrang minung 30 an thi tiah C&T Shwebo lei nih an thanh.
Ralhrang kawlralkap hna nih khuami tthenkhat zong an tlaih hna tiah an langhter chih. Ralhrang hna nih Tapinkhawng khua le Kya khua zong mei in an khangh tiah an langhter. Hmanthlak ah langhtermi zong hi Seihkhun khua ah ralhrang hna nih an hmanmi thilri an hmuh mi a si tiah an langhter.
Leave a Reply