ZUALKO. CDF PAKHAT NIH RAM LE MIPHUN CAAH A NUNNAK A PEK E

CDF Matupi Ralkap Pakhat A Nunnak Liam. Chinland Defense Force- Matupi in ralkap pakhat cu 2022 May 1, ralhmai a kalnak hmun pakhat ah a nunnak a liam tiah theih a si. Ram le miphun ca ah biakamnak na tuah bantukin na nunnak na pekmi cung ah CDF-Matupi nih a sangbik upatnak kan in pek. Tantak mi chungkhar zong kan ngaihchiat pi hna, tiah CDF-Matupi nih cathanh an chuah.

Relchap. Zanlai Thlifim timi nih ZRA kong a tialmi a si. Zomi Revolution Army tiah tthenkhat nih kan theihmi ZRA hi India cozah nih lahkhah tlawmpalte a pek i, ramri vengtu caah a hman hna. Anmah nih hin Kawlram caah politics an tuah ve lo. Naite April 2021 ah khan Kawlralkap he kum hnih chung i kap lo dingin hnatlaknak an tuah.Ram le miphun caah rianttuan mi an si lo caah siseh,

Min Aung Hlaing he hnatlaknak an tuah ruangah le an mah unau Min Aung Hlaing a dohtu Zomi mipi ralkap PDF Zomi camp hna zong an va hrawh I, an hruaitu pakhat zong zohchia ngai in an kahthah. Culawng siloin PDF Zomi camp zong an hrawh.Cupin ah camp i tangka siseh Laptop le thilri dangdang facang tiangin an firpiak hna. Curuang zongah a si ko lai, CNA le CNF hna nih ZRA cu Chin Terrorist tiah statements zong an chuah.

Zomi mipi hna nih hin ZRA cu kan support lo i zeidah an i timh bik mi le zeidah an tuah timi zong kan thei hna lo.Asinain India cozah sin in tangka an hmuhmi caah hriamnam he an si i, kanmah mipi hna nih zeitin vun tuah awk kan thei lo. Hitihin anmah um in an um sawhsawh tiah min langhter a duh lomi Zomi YMA hruaitu pakhat nih a chim tiah Zanlai Thlifim timi nih TAHAN NEWS group ah a tial. Thawngpang dang. Tuni May Ni khat rampi huap kahdohnak ah ralhrang kawlralkap lei in minung 40 thah an si pin ah ralhrang kawlralkap an hriamnam he a nun in an tlaih mi hna hi minung pariat an si.

Hi konghe pehtlaiin May nikhat rampi huap kahdohnak kongah mipi ralkap lei nih thanhnak an tuahmi cu a tanglei bantukin a si.May nikhat Mandalay ramthen chung kahdohnak ah ralhrang kawlralkap minung panga an thi. Nuahtukyi ah pahnih an i, Minchyan ah pakhat le Myaing ah pahnih an si. Cun Magway ramthen, Pakuku kahdohnak ah ralhrang kawlralkap minung pahra an thah hna. Cu Tanintary, Pulaw ah ralhrang pahnih thah an si.Cun Karen, Laikaw ah ralhrang kawlralkap minung pariat an hriamnam he an tlaih hna. Sagaing, Phyangpyn ah ralhrang minung 15 thah an si pin ah Magway, Yesacu ah pahnih an thah tthan hna. Sagaing ramthen KhinOo ah minung paruk thah an si. Mipi ralkap lei in minung pahnih a nunnak a liammi hi Pyangpyn ah asi tiah an langhter.