CDF-Mindat Le SAC ralkap Kahdohnak Ah SAC Ralkap 4 an thi, CDF-Mindat In Ralkap Pakhat Nunnak A Liam! Nihin June 29, zaanlei suimilam 2:00 ah CDF-Mindat le SAC ralkap kar kahdohnak a chuak i, cu kahdohnak ah cun SAC ralkap pakhat a thih lengah ralkap zeimawzat hliamhma an tuar.
Zaanlei suimilam 3:00 ah kaphnih kahdohnak a chuak ṭhan i SAC ralkap lei in minung 3 an thi chap, hliam tuar zong an um tiah theih a si.CDF-Mindat ralkao pakhat cu hliamhma pu in, hnu an tolh lio lampi ah a nunnak a liam. Pakhat zong hliamhma a tuar i, a hliamhma kong ah thin phan ding cu a um lo tiah nawlngeitu pakhat nih a chim.
Hṭilin peng Aungyua(အောင်းရွာ) khua in a chuakmi SAC ralkap hna cu Mindat peng Palungtui(ပလုံတွီ) khua ah lut in umhmun an khuar tiah theih a si. Mindat pengchung ah faak ngai in kahdohnak chuak kho a si caah, an herhmi bawmhchanhnak pe cio ding in CDF-Mindat nih bawmhhalnak cathanh an chuah. Credit: The Chin Post.
Abiapi tuk mi thawngpang. CEBC,-INDY (USA) KHUAL BUK KONGAH BIA FIANG DEUH. Pakhatnak. Khual buk-ah hin rawl i chuan khawh a si lai. A chuan huam lomi caah rawl dawr zong a um. Ti le mei, bel le kheng tlamtling tein chiah a si. Pahnihnak. Room pakhat ah chungkhar pakhat in umter a si lai. Pathumnak. Vengtu (Duty) zong chiah a si.
Palinak. Rawl chuannak Gas ti belte mah tein a man liam a si lai caah, nikhat Rs.50 in tuak a si lai. Panganak. Ei le din, mah tein i cawk a si lai. Paruknak. A dang pohpoh cu a lak tein um le hman a si dih lai. Pasarihnak. Dam lo le a chungkhar lawng um khawh a si lai.Pariatnak. Dam lo chungkhar nih a dammi khualtlung ngeih khawh a si lai lo. Pakuanak. A hmun cu: Hunthar veng kan rak timi kha si lo in, Vaivakawn veng, Aizawl, Mizoram ah a si. Pahranak. July ni 1 in luh khawh a si cang lai.Pehtlaihnak:Tlir Lian Thang Ph: 8414009159, Bawi Kil Tial Ph: 8798315497. Credit: Tlir Lian Thang
Leave a Reply