ZUALKO. CHINA AH RUAHLOPI IN VAN BAWI SUNG A NUNNAK LIAM

China ah Nu Van Bawi Sung a nunnak a liam. Hakhalay ah a ummi Pu Biak Kham le Pi Tin Cer hna i an fanu Van Bawi Sung kum 37 asi mi cu ruahlopi in China ram Guangzhou ah January ni 11 kum 023 ah khan a nunnak a liam tiah theih a si.

Hi konghe pehtlaiin Ramthlo pawlkom hruaitu upa pakhat nih a chimmi cu Van Bawi Sung ruak hi kawlram ah tlunpi khawh a si lai lo caah a ruak hi khangh ti dah lo cu lamdang a um lo tiah a chim. Tantaak mi chungkhar Bawipa nih nan ngaihchiatnak in hnem ko hna seh.

Relchap.Htantabin ah thla 8 hngakchia telh in khuami 3 kuan nih a khen hna i an thi. Bago ramṭhen, Htantabin peng, Zuataya khua January 17 zinglei sml 11:00am hrawng ah SAC nih riankhinh mi khuabawi U Soe Naing, khuabawi hlun U Khin Maung Win hna meithal in an kah hna i an thih bantuk in adang thla 8 hngakchia 1 zong a thi tiah theih a si.

U Soe Naing le U Khin Maung Win cu mawṭaw an i cit lio ah an pawng mawṭaw chung in meithal pehzulh in an kah hna hi a si.Cubantuk kah ruang ah lam kam dum kulh chung in thla 8 hngakchia Mg Bone Thura Naing zong kuan nih a khen i a thi tiah a nu nih RFA ah a chim. Kahdohnak hi zeibantuk phu nih dah an tuah ti kha a fiang in theih a si lo tiah an chim.