Thihnak thawng. Tamu pengah Chin pa pakhat thah a si. Tamu peng, Myothit Myo, Naung Kat khuathar b Jalenphai khua ah a ummi Thang Gin Hao kum 30 cu tuni July nikhat ah khuachung lamcung ah a ruak in an hmuh tiah thawngpang theih a si. Hikong he pehtlaiin thanhnak an tuahmi cu atanglei bantuk in a si.
A nunnak a liammi Thang Gin Hao hi nizan June ni 30 ah leng a chuak i, inn a lawi ti lo. Tuni July nikhat ah lampawng ah a ruak in an hmuh. Aruak zoh tikah a Lu ah hliam a tuar tiah an chim. Atu tiang ah zeiruangah dah an thah timi theih a si rih lo.
Hi konghe pehtlaiin Naung Kat khuathar b Jalenpphai khua nitlak lei ah hin ralhrang kawlralkap hnu zul Pyu Saw Htee umhmun an khuarnak a um i, culawng siloin Ralhrang kawlralkap le Pyu Saw Htee hna umnak Oauhphokanbaung sakhan zong an um rih ti a si.
Thawngpang dang. Matupi ah phone line vialte an thah dih cang. Chin ramkulh Matupi cu June ni 15 thok khan phone line chiat hram aa thok i tuni July nikhat cu phone hman khawh a si ti lo tiah theih a si. Hi konghe pehtlaiin thanhnak an tuah mi cu a tanglei bantuk in a si.
Nizan June ni 30 ah cun phone chawnh khawh a ngah ko. Asinain tuni July nikhat zingka cun phone chawnh khawh a si ti lo. Zeiruang ah dah phone line vialte a rawh hnga timi zong theih a si lo. Matupi ah hin MPT le Telenor, Oredoo an um hna. Asinain an pathum in an angah ti lo tiah an chim. Internet line an phihnak zong kumkhat a si cang.
Leave a Reply