Thlichia hrang nih Thingkung a khiah i, cu a kiakmi Thing nih ralzam minung pakhat a tlak caah a nunnak liam. Nizan May ni 17 zanlei suimilam pahnih le cheu hrawngah Kalay peng Natchaung ralzam hna umnak camp cu thlichia nih fak ngaiin a hrawh. Ralzam an umnak buuk cu thingkiak nih a tlak i a chungah a ummi kum 14 hngakchia pakhat a thah.
Hi konghe pehtlaiin khuami pakhat nih a chimmi cu hngakchia nute hi ralzam camp ah a ummi a si. An umnak buk hnulei ah thingkung nganpi a um. Cu thinkung cu a tlu i an umnak buk a nanh caah hngakchia nute a nunnak liam tiah a chim. Buk chung ah hin a u Nu zong a um.
Thingkung nih hin a U nu zong a nanh ko nain a nih cu a nunnak liam lo. Hliam tu a tuar ko nain a nunnak caah tihnung cu a si lo tiah a chim. Ralzam camp ah hin tuamhlawmtu an um konak thilri an neih lo caah a nunnak kan chanh manh lo tiah a chim. Cun sizung kalpinak ding motor zong a um lo caah Ma Yu Hlaing THin cu a nunnak a liam tiah a chim chih.
Thawngpang dang. May 17 kawlram rampi huap kahdohnak ah ralhrang kawlralkap lei in minung 45 an thi. Ram le miphun caah PDF lei in minung pahnih nih ram le miphun caah an nunnak an pek ve. Tuni kahdohnak a chuahnak hmun le hma siseh, ralhrang an thihnak hmun le thih zat hna cu a tanglei bantuk in langhter a si.
May ni 17 Demosu kahdohnak ah ralhrang kawlrlakap lei in minung pariat an thi. Cun Myaing i kahdohnak ah ralhrang minung panga an thi tthan. Culawng siloin Htaway kahdohnak ah ralhrang kawlralkap minung pakul an thi i, Bilyn kahdohnak ah ralhrang pahnih an thi i, PDF lei in minung pahnih an nunnak liam ve. Cun Kani kahdohnak ah ralhrang 10 an thi. Tuni atutiang thanhnak tuahmi ah ralhrang minung 45 an thi i, PDF 2 an thi.
Leave a Reply