ZUALKO. KHAMPAT AH PI HMA NGAIH THANG NIH MUAL AA KAN LIAMTAAK

Ngaihchiatnak thawngpang a thang ee, Pi Hma Ngaih Thang KUM 56 nih hi vawlei nunnak in mual aa kan liamtaak. Khampat No 2 C Group ah a ummi Pu Van Lal Cuang nupi Pi Hma Ngaih Thang nih tuni July ni 16 zanlei suimilam pakhat ah hi vawlei nunnak in mual aa kan liam taak.

Pi Hma Ngaih Thang hi cancer zawtnak in a nunnak liam tiah theih a si. A mah hi PCM Calvin khrihfabu ah a ummi an si i, Thaizing July ni 17 zingka suimilam pakua ah a ruak an vui lai tiah an langhter. Kaltaak mi chungkhar vialte nan ngaihchiatnak Bawipa nih in hnem ko hna seh. Nan ngaihchiatnak kan in hraawmpi hna. Credit: TAHAN

Kalay peng i kahdohnak ah ralhrang kawlralkap minung 42 an thi i, mipi ralkap lei in minung pahnih nih ram le miphun caah an nunnak an pek. Hihi a hnubik nithum chung an i kahdohnak kong an langhter mi a si.July ni 11 in July ni 13 tiang Sagaing ramthen Kalaymyo thlanglei ah ralhrang le mipi ralkap hna cu fak ngaiin i kahdohnak a chuak.

Ralhrang kawlralkap lei in minung 42 an thi i, mipi ralkap lei in minung pahnih nih ram le miphun caah an nunnak an pek tiah PDF Kalay nih thanhnak an tuah. July ni 11 ah Kahdohnak ah aa telm tangrual mipi ralkap hna cu KALAY PDF le Vakok CNDF, CDF KKG le RKDF, UGF Kalay le adang hna an si.

July ni 12 zanlei suimilam 4:55 ah ralhrang kawlralkap operation a atuahmi hna cu Tisi khua Thilashin Yeihta siangin an phak ah mipi ralkap fonh hna nih an kah hna. Ralhrang kawlralkap lei in a thimi le hliamhma pu mi an tam ngai tiah theih a si. Cun July ni 13 zing pasarih le cheu ah Tauk Kyan khuapawng ah an i kap tthan.

I kahdohnak ah ralhrang kawlralkap lei in minung 42 an thi i, mipi ralkap phufonh lei in minung pahnih nih ram le miphun caah an nunnak an pek tiah an langhter. Kahdohnak a chuah i, an i kah caan hi a sau ngaingai i zanlei suimilam pahnih le minute hleinga tiang a si tiah theih a si.