Ngaihchiatnak thawng. Laimi nih mirum pakhat kan i ngaihmi le Hornbil Nursing Home Sizung a ngeitu Pu Vum Sun Pawng( ဦးဝုန့်ဆွန်းပေါင်) a nunnak liam. Tuni August nithum ah Pu Vum Sun Pawng cu India ram khualipi New Delhi Apolo sizung ah hi vawlei nunnak in mual aa kan liam taak tiah theih a si.
Amah hi Chin ramkulh Tedim a si i, Hornbill Nursing Home Hospital a ngeitu a si. Tedim peng ah a mah hi mirum bik tiah ruahmi le Chin ramkulh chung zongah a min thang ngaingai mi kan Pa a si. Taantakmi chungkhar vialte nan ngaihchiatnak Bawipa nih in hnem ko hna seh. Nan ngaihchiatnak kan in tuarpi hna.
ချင်းပြည်နယ် တီးတိန်မြို့ စကောလမ်းရပ်ကွက်က Hornbill Nursing Home Hospital ပိုင်ရှင် ဦးဝုန့်ဆွန်းပေါင် (ခ) ဆွန်းပေါင် (၆၈နှစ်) သည် အိန္ဒိယနိုင်ငံ၊ ဒေလီမြို့ Apolo ဆေးရုံမှာ ဆေးကုသမှုခံယူစဉ် ယနေ့ သြဂုတ် ၃ ရက်မနက်တွင် ကွယ်လွန်ကြောင်း သိရသည်။ ကွယ်လွန်သူ ဦးဝုန့်ဆွန်းပေါင်ဟာ တီးတိန်မြို့နယ်တွင် ပထမဆုံး ငွေကြေးချမ်းသာသူဟု နာမည်ကြီးကြောင်းသိရသည်။ သူကွယ်လွန်ချိန်တွင် ဇနီး၊ သားကြီး ဆရာဝန် ဒေါက်တာဂင့်ဒိတ်ပြောင်နှင့် သားတစ်ယောက် ကျန်ရစ်သည်။
Cabia dang. Pathian ruangah a si ko caah aa phawrhlawmi i nan ka ruah zong le a poi ah ka chia hrimhrim lo. Rak thei hrimhrim u. Ram le miphun hna zeitin dah kan sersiam khawh lai ti ruahnak nei loin zumhnak kong te hna le mi zumhnak va soisel le va doh le mi buainak ding lawngte in ca na tial tiah nan ka ti. Cun pakhat le pakhat i siknak dingah le i huatnak dingah ti phun lawngte in ca na tial nan ka ti rih. Cu lawng hlah nangmah maw Bible Doctrines hna hi a hngalin a thiam cem nan hei ka ti rih.
Pakhatnak. Ka catial mi ruangah aho te dah an i si i an i hua? Pahnihnak. Thisen chuakin cun teh an vua in an i that cang maw? Note : Pathian sining hna Bible in fianter khawh ve komi zumhnak aa ngeihmi ka si loh. Thiang Thlarau bawmhnak le umpinak thawngin Pathian sining hna hi fian tein ka hngalh ve cang tihi rak thei ve cang u. Cun 2018 – 2019 bantuk minung menmen kha ka si ti loh. Cucu ka ngeihmi Thiang Thlarau thawngin a si. ( 1Korin 2 : 10 – 11 ).
Unau hna, ning hngal pawl, a cung bakah question pahnih kan halmi hna kha van ka leh tuah u? Na ka leh khawh lo ahcun rak thei. Nihin ni ah hin Pathian thanwgin amah Pathian biatak ka tialnak ah hin aho hmanh he kaa si bal loh. Bia thalo le bia chiakha in comment nak an tuah hmanh ah lungfak buin ka let bal hna loh. A dawh cah lo tuk le mi nek nawn tein an um ahcun ka Block bak ko hna. Cucu lungthiang tein ka tuahmi a si. A hngaltu zong Pathian a si.
Ram le miphun caah zeidah ka sersiam lai ti hmanh ah buai lo le ruah lo in a timi pawl hna tha tein rak ngai u law ruat u! Nan chungkhar ah ram le miphun caah tiin rian a tuanmi an um maw? Ram le miphun caah na chungkhar nih zeital an chuah pi maw? A um ahcun van langhter tuah hnih ca. Kan zoh lai cu. Kan chimh hna. Keimah hi cu ram le miphun caah zeihmanh ti khawhmi le tuah khawhmi ka ngei loh. Cun Pathian nih a ka tinh piakmi ka lam zong a si lo. Pathian nih a ka tinh piakmi hi cu a sining le a biatak chim ( tial ) hi a si.
Asinain keimah can aiah ka unau hna nih hin ram le miphun caah rian an tuan. Ram le miphun caa rian a tuanmi ka unau hna hi pali le panga an si. A za ko lo maw?Innchungkhar pakhat i minung pali le panga ram le miphun caah tiin riantuan khawh cu. Cun ka u le zong hi Pathian dawtnak thawngin atu tiangah cun mipi nih upatmi le bochanmi zong an rih si. Kan unau dihlak in tuan u sihlaw ahodah Pathian caah a tuan kun lai? Aho cu dah u le nau le ram le miphun caah tiin thla cu a cam kun lai?
Rak hngal cang u. Kan sining hi kan i hngalh dih. Pathian nih kan caah a chiahnak lam zong kha kan i hngalh dih. Kan nawltu hi kan cawng ulaw Pathian nih an chiah piakmi na lam kha tha tein zulh khawh i zuam. Cun zei hmanh thei tung loin rak au khuang len ti fawn hlah u. Ningzak nan si. Na au khua ding hmanh ah na unau chungin ram le miphun caah rian a tuanmi minung pahnih tal an um lo cun daite khan nan innkhaan teah rak um zirziar ko law, na sian a si le na umnak hmun tein khan Tangka tu hna kha rak bawm ve cang hna.
Cu lo ahcun , “Zawng nih amah taw aa hmu lo caah mitaw tu kha a va sawi lengmang,” timi hna hi kan lo sual lai hih. Cucaah cun cu ee, kha ee tiah Online in rak au khuang hrimhrim ti hlah. A rak au khaungmi pawl zong kha keimah bantukin zeihmanh a rak si lomi nan si cu a fian ngaingai ko hih. Ka bia dongh nakah aho zunhnak hmanh hi ka soi bal lo i ka doh bal hna lo. Asinain nanmah nih na soi in na doh hna nan ka tinak thawngin khan doh timi le soisel timi hna hi a rak chuak taktakmi cu a si.
Cu ruangah nangmah tu kha miforh hmang na rak si ti kha philh hlah. Cun taksa leiin ka unau zong a simi Oneness pawl hna nih hin an ka hua lai zong kha ka zum hrimhrim loh hih. Zeicatiah cun an caah Pathian nih Missionary pakhat bantukin a ka hman ve caah khan a si ko. Kan Bawipa Jesuh Khrih nih, “Keimah hi rak ka zum hrimhrim u,” tiah a ti bal hna lo.
Cu bantukin keimah Johnly Fambawl zong nih, “Ka bia le ka zumhnak hi rak cohlang in rak i hrawm u law rak zum hrimhrim u,” tiah ka ti bal ve hna loh. Zeicatiah cun Pathian nih a duhmi paoh a zaangfah hna i a duhmi paoh an lungthin a hahter hna ti kha fian tein ka hngalh cang caah khan a si ko. ( Rom 9 : 18 ). Kan dihlak Pathian nih lungfimnak kan pe cio ko seh..Thank You For All; Credit: Johnly Fambawl
Leave a Reply