Ngaihchiatpinak. Kan Khrihfabu chung in Saihpiozi sang ummi Pi Kil Men (Tawk Er nu), kum 58 nih 2022 Chiapa 29 ah Tikir siizungah mual a kan liamtak. Anmah hi Hriangkhan ah ai dormi an si i Tikir siizungah ai thlop. Hriangkhan ah kalpi a si lai. Hmunkip kaakip ah a ummi cuartlai sahlawh rualchan dihlak, TBC chungtel dihlak nih kan in ngaihchiatpi hna. Bawipa Thlarau nih daihnak he in hnem cio hna seh. Hi vawlei ahhin kannih caah zungzal hmun khua a um lo, a ra laimi khua tu kha kan cuan. Hebru 13:14. Thantlang Baptist Church.
Thawngpang dang/ SAC ralhrang nih Media in mipi sin ah thawngthanhnak an tuahnak (Press conference) kip ah SAC ralhrang thatnak a langh khawhnak ding caah Media bantuk in aa um ter i SAC ralhrang biachimnak nawl ngeitu Zaw Mea Lung biahalnak a tuah peng ve mi, cun Min Aung Hliang thluachuah a pe pengtu le SAC ralhrang pathian a simi lukawng pa cu Chungtlik Ekceh nak in nihin zing suimilam 4:00AM ah a thi tiah theih a si.
Hi Putar Lukawng pa hi a min ah Thadung Tin Htun (kum 58) a si. Ralhrang dirkamh tu a si leng ah Media minung bantuk in aa um ter i, SAC ralhrang press Conference kip ah a kai ve i biahalnak zong a tuah peng ve mi asi.Cun SAC ralhrang a dirkamhtu ruang ah USA President Joe Bidin zong fak ngai in a soisel le Challenge tiah a tuah tu a si tiah nihin a thih thawngpang an tarlangh mi ah an langhter chih.
An chimnak ahcun “Lukawng Putar pa hi a chung nih a tlik, cun Sizung ah an kal pi ko nain pehtlai in a ek aa ceh lengmang caah Sii tha tein pek manh loin Ekinn ah luh pi peng asi, cu caah cun a thazaang nih a celh ti lo i a nunnak zong a liam hi asi tiah an chim.
Leave a Reply