Mindat khua um SAC Battalion 274 nih kahmi hriamngan ruangah mipi 3 an thi. Chin ramkulh, Mindat khuachung ah a ummi SAC battalion 274 nih khuate lei ah a kahmi hriamngan ci nih a khen ruangah mipi 3 cu June 16 zinglei ah an nunnak a liam tiah Mindat mipi uknak phu nih an thanh.
June 16 zinglei sml 9 hrawngah SAC battalion 274 nih 120 MM in a ruang um loin a kah caah Myetwe khua pawngkam ah a tla i lo rian a ṭuan liomi kum 70 tarpa pakhat, kum 60 tarnu pakhat le kum 30 nu pakhat an nunnak a liam.
Cun, hmunhma (3) chungah a ummi khuate pakhat ah hriamngan 3 a tla i mipi inn 4 a rawk i pa pakhat hma a tuar tiah thawng theih a si.Tulo caan hi, Matupi, Mindat le Kanpetlet khua hna ah mipi hriamtlai phu le SAC karlak ah nifatin ngawt in kahdohnak a chuak. TCP
Cabia dang. CDF le CNA cu ramleng um mi nih kan vaivuanh ko hna hme cu. Hriamnam tha tein an ngei maw ngei lo ti zong tuah huaha loin ziah nan kah hna lo kan ti thul hna. Facebook cung in cun CDF le CNA kong au pi cuahmah. Inn hnu lei in le kan unau/chungkhat neih niam cu kan chuah ter thluahmah fawn hna. Delhi le Yangon lei ah an kal ter thluahmah cang hna. Miphun ka daw, ram ka daw ai ti mi pawl nih ram an khangh, miphun an thancheu ter ti mi bia roling cu a tling cuahmah ko cang hih. Credit: Saya Sang Hre.
Leave a Reply