Ngaihchiatnak thawng athang ee, Poituk, ralzaam dirhmun a umnak ah Lai/Chin nu pakhat a nunnak a liam. Matupi peng in mizoram ah a ummi Pi Thlim Thong cu nizan ah a nunnak a liam. India ram Mizoram, Lawngtlai peng ah ralzam dirhmun khua a sami Matupi peng Pi Thlim Thong cu nizan May ni 27 ah a nunnak liam.
Pi Thlim Thong hi kum 50 tluk a upa cang mi a si. A thihnak a ruang bik hi a paw lei dam lonak ruangah a si tiah an chim. Pi Thlim Thong hi fa pali a ngei cang mi a si. Tantakmi chungkhar hna nan ngaihchiatnak le nan mitthlitlak nak vialte bawipa hi in hnem ko hna seh.
Thawngpang dang. Mipi ralkap nih Dalan tiah lunghrinh in an tlaihmi minung 24 an thlah cang hna. Kaya ramkul chungah ralhrang lei a ttangmi dalan tiah lunghrinh mi minung 24 hna cu an tlaih hna i dottletnak thatein an tuah hnu le biakamnak an tuahter hna hnu ah an thlah tthan hna tiah KSCC nih mipi sin ah thanhnak an tuah.
Lunghrinh in dalan tiah zumhmi hna hi mipi ralkap nih an tlaih hna. Cu hnu ah mipi ralkap hna nih KSCC sin ah an ap hna. KSCC nih dottletnak thatein an tuah hnu atu bantukin an thlah hna hi a si. Hi konghe pehtlaiin KSCC hruaitu pakhat nih a chimmi cu an dihlak in minung 24 kan thlah dih hna.
A tam deuh cu ralhrang sin ah a thlithup in thawngpang a petu dalan tiah lunghrinh mi an si. An dihlak in dalan an si taktak maw taktak lo timi an konglam kan hlat hna in dotthletnak kan tuah hna hnu ah dalan an rak si lo. Curuangah thatein kan thlah tthan hna tiah a chim. Ralhrang lei ttang a simi hna cu kan thlah hna lo, kan chiah ko rih hna tiah a chim.
Leave a Reply