Ngaichiatnak thawng. Rev. Fam Buai fanu NI. Zopari nih nizan July ni 29 ah hi vawlei nunnak in mual aa kan liam taak tiah theih a si. A nunnak a liammi NI Zopari hi Sanmyo ah a ummi Rev. Fam Buai fanu a si. An khrihfabu hi Wesley Sanmyo a si tiah an langhter chih.
NI Zopari hi Yangon sizung ah chungkhar le Khrihfabu hawi le kom hna aa kan kaltaak. Aruang hi Sanmyo ah vun tlunpi cuahmah lio a si. Amah hi kum 51 a si cang mi a si i, Nizan July ni 29 zan suimilam hleihnih deng ah hi vawlei nunnak in mual aa kan liamtaak. Kaltakmi chungkhar Bawipa nih nan ngaihchiatnak in hnem ko hna seh. Ruak vuitu ding hi Rev. D. Lawmsanga asi lai tiah an langhter.
Thawngpang dang. Timit Kahdohnak Ah SAC Ralkap A Tlawm Bik 10 An Thi.Nihin July 30 ah Timit hlei remh dingah a kalmi SAC ralkap pawl cu Chin ralkap hna nih an kah hna caah a tlawm bik 10 an thi i, tam ngai hliamhma an pu tiah kan theih.Zing sml 11:00 hrawng in kahdohnak an thok i, zanlei sml 1:00 hrawng ah rungtlang um ralkap nih miakpi in an kah thluahmah hna. SAC ralkap pawl cu hmai ah kal ngam loin hnu an kir ṭhan.Thawngfiang deuh kan van țial than te lai. Credit: The Chin Post.
Mah zong hi Relchap.Timit ah a Kalmi SAC Ralhrang pawl Miphun Ralkap nih an Kah hna.Nihin zinglei sml. 11:00 hrawng ah Timit phak hlan ah SAC ralhrang le kan miphun ralkap karlak kahdohnak a chuak i SAC ralhrang pawl hnu ah an kir tthan, tiah thawngpang kan theih.SAC ralhrang pawl hi Timit lamtthing, Rual-U thlan lei in Timit ah ttum an i tim i, lampi ah kan miphun ralkap nih an kah hna hi a si.
SAC ralhrang nih Hakha, Rungtlang in miakpi in kah an bawmh hna. Asinain, kan miphun ralkap lei in a nunnak a liammi an um lo.SAC ralhrang lei tu in hliamhma a pumi an um len i a thimi zong an um kho. Nihin zaanlei sml. 2:30 hrawng khan kahdohnak a hun dai. Asinain, zeitik caan poah ah i kahdohnak hi a chuak tthan khomi a si. Nihin kahdohnak in a kir tthanmi SAC ralhrang pawl hi Hakha khuachung ah an rak lut rih lo, tiah khuami nih an chim.
Leave a Reply