Ngaihchiatnak thawng. Thantlang peng Tikir khuami Thantlang Zunghmun sang ah a ummi Pi Sanda Win nih tuni June ni 25 ah hi vawlei nunnak in mual aa kan liamtaak tiah theih a si. Amah hi rampi buai ruangah Mizoram Farkawn khua ah ralzaam dirhmun a ummi a si.
Pi Sanda Win cu zapi nih kan theihfian khawhnak dingah Saya Biak Hmun Thang far a si. Amah hi zuunthlum zawtnak angeimi asi i, Mizoram Champhai sizung ah kalpi a si. Asinain a zawtnak a zual deuh caah dam kho tiloin a tubantuk in hi vawnlei nunnak in mual aa kan liamtaak hi a si. Taantaak mi chungar bawipa nih in hnem ko hna seh.
Thawngpang dang.Banmauk ah KIA le PDF fonh in kahdohnak an tuah, SAC ralkap 61 an thi. Sagaing ramṭhen, Kathar pengkomh, Bamauk peng, Minkone le Ywatharwa karlak ah SAC ralkap le KIA, Kathar battalion 2, Bhamout PDF, Indaw PDF hna June 23 ah kahdohnak a chuak i SAC ralkap 61 an thi tiah Banmauk Revolution – BR rianngeitu nih Yangon Khit Thit ah a chim.
A thimi le hriam kan chuh khawhmi hna hi cu atutiang cun chim awk a ṭha rih lo. June 23 ah kahdohnak voihnih a chuak. Atulio zongah a chuak ṭhan khomi a si. Kanmah lei in fak piin khawndennak a um lo” tiah a chim.Kahdohnak chungah SAC ralkap pawl a thimi an tam caah an hawile ruak hmanh char loin an zaam dih i Banmauk Revolution – BR nih kan khanghpiak hna tiah a chim.
Leave a Reply