Zualko. Tuni April Ni 24 chun hnu suimilam panga le cheu ah minung pahnih Ti ah an paam. Tuni ah Jerry Ram Nun Sang le a hawipa hna cu Tlawng tiva ah an paam. Jerry Ram Nun Sang hi kum 25 a si i, Dawrpui venghtar ah a ummi a si i, a hawipa Faka timi tuhi Tlangnuam asi tiah theih a si.
An thlaknak Tili hi mi pil le banthlir hrawnghrang a thuup mi a si tiah an chim. An tlaknak Tili hi mikip an i leuhnak hmun a si. Tutan ah an tlak lio ah hin an hawipa pakhat lawng a um tiah an chim. Ti an tlak hnu ah an hawipa pakhat nih cun rianrang in pawngkam a chimh hna i Sairang YMA hna nih a rauh hlan ah an ruak in an char hna tiah an chim.
Thawngpang dang. Ronaldo nih Penalty a sut lo nak a ruang Rangnick nih a chim. Nizan ah Manchester United cu Premier League away ah apehpeh in voili nak teinak an hmu lo. Arsenal nih 3-1 in an tei hna. An sunghnak a ruang pakhat cu 2-1 an si lio minute 57 ah penalty an hmuh. Bruno Fernandes hmai a rak chuak i a sut asinain a goal lo.
Manchester United lei goal a khumhtu le Penalty sut thiam C Ronaldo cu a um i penalty zong a mah nih a sut lai tiah ruah dih. Asinain a sut lo tikah biahalnak tampi an tuah hna. Hi konghe pehtlaiin Manchester United boss Ralf Rangnick nih mipi cu lehnak a tuah hna. An chuih dih zongah Ronaldo he kan i chawn ko.
Penalty sut dingah aa ready lonak zong Ronaldo nih a cohlan ko tiah a chim. Penalty suttu veve an si i, an pahnih karlak asi ko. Penalty kha goal hna sehlaw biahalnak zong a um lai lo tiah a chim chih. Ronaldo a um lio ah Fernandes nih hin Aston Villa he an chuih lio ah penalty a rak goal lo.
Leave a Reply