Ngaihchiatnak thawng. Hranhring khuami Sang Peng nih tuchun ah ruah lopi in hi vawlei nunnak in mual aa kan liamtaak. Hi konghe pehtlaiin Saya Thawng Tha Thang nih a tanglei bantuk in thil a canning a langhter.
Thihdar Yangon a rak tlawngmi Sang Peng (Hranhring khua) mi nih tuchun ah ruah lo taktak in North- Okalapah Siizungpi ah mual a kan liamtak. An khua lei tiang tlunpi ding in kan timtuahpi cuahmah lio a si.
Tantakmi chungkhar Pathian nih hnem ko hna seh.
Thawngpang dang relchap. Ralhrang lutlai Min Aung Hlaing te chungkhar kong thanhnak an tuah. Mikip nih theih lomi an konglam hna a tanglei bantukin a si. Min Aung Hlaing a nu le pa hna cu Khin Hlaing le Daw Hla Mu an si. Tanintary, Dawei khua ah a chuak mi an si i, an umnak hi Dawei Phayagyi sang, Shwe Taung Saa an um tawn ti a si.
Dawei a phak zongah cu ka hmun cu a pal peng tawn, Nawlngaihnak an lak hnu ah Khin Hlaing chung le hna cu an nun himnak dingah an i thial. Kum 1956 July nithum ah Min Aung Hlaing cu a chuak i a hngakchiat lio ah hin Pho Ta Aye tiah an auh mi a si. Unau chuak panga an si i amah hi a palinak a si.
A pa hi hmanthlak suaithiam a si i, Minb khua in Mandalay STDC Science Sianginn ah hmanthlak lei Director ah thim a si. Kum 1961 ah an i thial i Min Aung Hlaing cu Mandalay ah sianginn a kai i, kum 1966 tiang a cawng. Kum 1967 ah Yangon ah an i thial. Kum 1971 ah Min Aung Hlaing cu tangriat a awng.
Mah lio an umnak cu Sule central mitat zung hmai ah an rak um i, Nay Win nih uknak a lak lio ah mipi inn le lo a rak chuhmi chungah an umnak zong ai tel. Tangriat a awn hnu ah Law a cawng i, kum 1974 kum ah ralkap sianginn ah officer training a kai. Cun Pyin Oo Lwin ah a peh tthan.A hngakchiat lio i, a hawipa pakhat nih a chimmi cu Min Aung Hlaing hi a unau lak ah alungkhong bik mi a si tiah Mizzima ah a chim.
Leave a Reply